ხვალ, 27 ოქტომბერს, 11.00 საათზე სასტუმრო „ჰოლიდეი ინ თბილისში" ქსელური გადაწყვეტების მიმწოდებელი კომპანია „გრინნეტი" გამართავს პრესკონფერენციას თემაზე: „გრინნეტი" - ერთადერთი ქართული კომპანია, რომელსაც საინფორმაციო ტექნოლოგიებისა და კომუნიკაციების დარგში მსოფლიოში ლიდერი კომპანია „ცისკოს" ოქროს პარტნიორის სტატუსი მიენიჭა.
„ცისკომ"„გრინნეტი" საქართველოს სისტემების წამყვან ინტეგრატორად და ქსელური გადაწყვეტების მიმწოდებლად გამოაცხადა. თავის მხრივ, ქართულ კომპანიას „ცისკოს" ოქროს პარტნიორის სტატუსი შესაძლებლობას მისცემს კიდევ უფრო მაღალი ხარისხის მომსახურება და დივერსიფიცირებული გადაწყვეტილებები შესთავაზოს მომხმარებელს.
აღსანიშნავია, რომ ოქროს სერტიფიცირებული პარტნიორის სტატუსი იმ კომპანიას ენიჭება, რომელიც „ცისკოს" სერვისებისა და შეთავაზებების ინტეგრირებას პარტნიორული პროგრამის შესაბამისად ახორციელებს, მუდმივად ზრუნავს როგორც საკუთარი გუნდის პროფესიული კვალიფიკაციის ამაღლებაზე, ისე მომხმარებელთა კმაყოფილების მაღალი დონის შენარჩუნებაზე და ეხმარება მათ სტრატეგიული გეგმების განხორციელებაში.
პრესკონფერეციას დაესწრებიან „ცისკოს" გენერალური მენეჯერი აღმოსავლეთ ევროპისა და შუა აზიის ქვეყნებში პაველ ბურბა, კომპანია „გრინნეტის" სისტემების არქიტექტორი ნიკოლოზ დავითაშვილი, პროექტების დირექტორი დავით ბოლქვაძე,
„გრინნეტი" დაარსდა 1998 წელს. მოკლე დროში კომპანია საქართველოს მასშტაბით წამყვან სისტემურ ინტეგრატორად და ქსელური გადაწყვეტილებების მიმწოდებლად იქცა. „გრინნეტი" მსოფლიოში წამყვანი კომპანიების პარტნიორია, რომელთა დახმარებით ქართული კომპანიებისთვის მისაწვდომი ხდება უახლესი ტექნოლოგიური გადაწყვეტილებები. მცირე და საშუალო საწარმოები, მსხვილი კორპორაციები, ფინანსური და სატელეკომუნიკაციო კომპანიები ენდობიან კომპანიის მიერ შემუშავებულ და სპეციალურად მათ ამოცანებზე მორგებულ სისტემებს, რომლებიც უზრუნველყოფს არსებულ ინფრასტრუქტურასთან სრულ თავსებადობას და წარმადობის ამაღლებას.
