ქვეყნის ათ პუნქტიანი გეგმის მნიშვნელოვანი ნაწილია ინფრასტრუქტურა. ამის შესახებ პრემიერ-მინისტრმა ნიკა გილაურმა მთავრობის გაფართოებულ სხდომაზე განაცხადა.
„ინფრასტრუქტურა მნიშვნელოვანია ორი ფაქტორის გამო. ამ პროექტების განხორციელებისას ათობით ათასი ადამიანი საქმდება. თუმცა მშენებლობის შემდეგ უკვე იქმნება სიტუაცია, რომ ახალი კომპანიები და ინვესტორები შემოდიან და გაცილებით მეტი სამუშაო ადგილები იქმნება", - განმარტა გილაურმა.
პრემიერ-მინიტრმა მაგალიTად საგზაო ინფრასტრუქტურა მოიყვანა და აღნიშნა, რომ ამ სექტორში ყოველ წელს საქმდება 30 ათასი ადამიანი.
„წყლის ინფრასტრუქტურაში ყოველწლიურად დასაქმდება 20 ათასი ადამიანი. ენერგეტიკაში უახლოეს პერიოდში შეიქმნება 13-15 ათასი სამუშაო ადგილი. მე ვამბობ იმ ჰესებთან მიმართებაში რაზეც ხელშეკრულებები უკვე გაფორმებულია. წელს უკვე მიმდინარეობს 10 ჰიდროელექტროსადგურის მშენებლობა და მომავალ წელს უკვე 11 ჰესის მშენებლობა დაიწყება. სადაც ჯამში 15 ათასამდე სამუშაო ადგილები შეიქმნება", - განაცხადა საქართველოს პრემიერ-მინისტრმა.
