სიმინდის პროგრამაში მონაწილე "დაზარალებულ" ფერმერებს მთავრობა შეღავათს უკეთებს. როგორც ბათუმში გამართულ მთავრობის, გაფართოებულ სხდომაზე, პრეზიდენტმა მიხეილ სააკაშვილმა განაცხადა, ის ფერმერები, რომლებმაც პროგნოზირებული მოსავალი ვერ მიიღეს, სიმინდის თესლის გადასახადისგან უნდა განთავისუფლდნენ. პრეზიდენტმა განაცხადა, რომ პროგრამაში მონაწილე ფერმერების 20 %-მა დაგეგმილი მოსავალი ვერ მიიღო, თუმცა მიღებული მოსავალი მაინც მეტია, გასულ წლებში მოწეულ მოსავალთან შედარებით.
პრეზიდენტს მიაჩნია, რომ ამ ფერმერებმა სიმინდის თესლის გადასახადი აღარ უნდა გადაიხადონ, რისი ინიციატივაც დეპუტატ აკაკი ბობოხიძეს ეკუთვნის. პრეზიდენტმა სოფლის მეურნეობის მინისტრს დაავალა, რომ სამომავლოდ ფერმერების მეტი ინფორმირებულობა მოხდეს.
მასალის გამოყენების პირობები
