ქვეყნის სტატეგიული განვითარების10-პუნქტიანი გეგმა არის ცოცხალი დოკუმენტი და ის განახლდება 6 თვეში ერთხელ, - ამის შესახებ ქვეყნის პრემიერმა ნიკა გილაურმა საქართველოს მთავრობის გაფართოებულ სხდომაზე განაცხადა.
"ქვეყნის სტატეგიული განვითარების 10-პუნქტიანი გეგმა არის ცოცხალი დოკუმენტი და ის განახლდება 6 თვეში ერთხელ. ამ გეგმასთან დაკავშირებით ჩვენ გვინდა რომ დისკუსიები გავმართოთ. ეს გეგმა რეალურად არის პოლიტიკა. ქვეყნის ეკონომიკურ-სოციალური პოლიტიკა შემდეგი 5 წლის განმავლობაში - 2011 წლიდან 2015 წლებში. თუ რას გვინდა მოვაღწიოთ კონკრეტულ პერიოდში რათა შეიქმნას სამუშაიო ადგილები. გეგმის მნიშვნელოვანი ნაწილია მაკროსტაბილურობა - ეს არის ერთ-ერთი მნიშვნელოვანი ფაქტორი მსოფლიო ეკონომიკაში. ის რაც დღეს საბერძნეთსა და სხვა ქვეყნებში ხდება მისი მთავარი მიზეზი მაკრო-ეკონომიკური სტაბილურობა იყო. საქართველოს ვალი არის საკმაოდ დაბალი და მიზანია რომ ეს ვალი კიდევ უფრო შემცირდეს", - განაცხადა გილაურმა.
პრემიერის თქმით, გეგმაში გაწერილია ვალის საკითხიც, რომელიც კლების ტენდეციას ექვემდებარება.
„ევროკავშირის ვალი მშპ-სთან მიმართებაში არის 80 %, საქართველოში კი ვალი მშპ-სთან მიმართებაში არის 41 %-ი. წლების განმავლობაში შემცირდება ასევე საბიუჯეტო დეფიციტი.
სტრატეგიული გეგმის ნაწილია ასევე საქართველოს ჰაბად ჩამოყალიბება. საქართველოში ტურისტების ზრდა ამ დროისათვის არის 41 %-ი და გასულ წელს მთლიანობაში 40 %-იანი ზრდა გვქონდა. ამისათვის სახელმწიფო რამდენიმე პროექტს ახორციელებს და ნათელი მაგალითებია ანაკლიის, მესტიის მაგალითები. ტურისტი მინიმუმ 250 დოლარს მაინც ხარჯავს ქვეყანაში და ეს თანხა შემდგომ ნაწილდება საზოგადოებაზე", - განაცხადა პრემიერ მინისტრმა.