საქართველო უკვე ჩამოყალიბდა ლოჯისტიკურ და გარკვეულწილად საინვესტიციო ცენტრად. ამის შესახებ ბათუმში გამართულ მთავრობის სხდომაზე საქართველოს პრემიერ-მინისტრმა ნიკა გილაურმა განაცხადა.
მისი თქმით, კომპანიები ჩამოდიან ქვეყანაში, აკეთებენ ბაზას და შემდეგ აქედან იწყება ვაჭრობა აზერბაიჯანთან, სომხეთთან და მიმდებარე ქვეყნებთან.
"ამისი კარგი მაგალითია ავტომობილების ბიზნესი. დღეს საქართველოს ნომერი პირველი საექსპორტო პროდუქცია არის ავტომობილები, რომელსაც საქართველო არ აწარმოებს, მაგრამ დილერები ირჩევენ საქართველოს, რომ რათა შემდგომ საქართველოდან გაყიდოს მერე ეს პროდუქცია", - განაცხადა გილაურმა.
მისი თქმით, პირდაპირ და ირიბად მარტო ავტომობილების ბიზნესში დაკავებულია 8 ათასი ადამიანი და აქედან გამომდინარე ეს მცირე ბიზნესი არ არის.