ქვეყნის ეკონომიკური ზრდის გამო 2011 წლის სახელმწიფო ბიუჯეტში ცვლილებები შევა. ამის შესახებ მთავარობის გაართოებულ სხდომაზე ქვეყნის პრემიერ-მინისტრმა ნიკა გილაურმა განაცხადა.
"ჩვენ 2011 წლის მესამე კვარტალი გვქონდა უკეთესი ვიდრე ველოდებოდით და მესამე კვარტალში ზრდა არის მინიმუმ 7,3 % და ეს არის წინასწარი ციფრი.
რაც გვაძლევს იმის საფუძველს რომ 2011 წლის განმავლობაში ზრდა 6 %-იანი იქნება და არა 5,5 %, როგორც ეს დაგეგმილი იყო. შესაბამისად ჩვენ შეგვიძლია ბიუჯეტში შევიტანოთ ცვლილებები და 6 %-იანი ეკონომიკური ზრდის ფონზე დავგეგმოთ. თუმცა მინდა ვთქვა, რომ 6 %-ი არის კონსერვატიული ციფრი", - განაცხადა ნიკა გილაურმა.
მისივე თქმით, საერთაშორისო სავალუტო ფონდიც იზიარებს აღნიშნულ მოსაზრებას.
„მნიშვნელოვანია რომ სსფ-მ 20 ქვეყნის ეკონომიკური ზრდის პროგნოზი შეამცირა ჩვენს რეგიონში და ჩვენ ვართ ერთადერთი ქვეყანა რომელიც ეკონოიმიკური ზრდის პროგნოზს ვზრდით და 6-ზე აგვყავს. ეს არის დამატებითი რეკლამა ახალი ინვესტორევისთვის, რომლებიც ეხლა ეძებენ ახალ ბაზრებს", - აღნიშნა პრემიერ მინისტრმა.