დღეს რუსთავის იუსტიციის სახლში, ამერიკელ ექსპერტთან უძრავი ქონების სფეროში შენონ ალტერთან შეხვედრა გაიმართა.
შეხვედრის მიზანი ამერიკელი ექსპერტისთვის უძრავ ქონებასთან დაკავშირებით საქართველოში, სახელმწიფო და კერძო სექტორში ჩამოყალიბებული სისტემის გაცნობა იყო. ვიზიტის ფარგლებში, შენონ ალტერმა ქართველ კოლეგებს ამერიკაში უძრავი ქონების მართვის ბიზნესის სისტემა გააცნო.
იუსტიციის სამინისტროს საჯარო რეესტრის ეროვნული სააგენტოს წარმომადგენლებმა სტუმარს წარუდგინეს პრეზენტაცია საქართველოში ქონების რეგისტრაციის შესახებ, გააცნეს იუტიციის სამინისტროს ახალი ბრენდის - იუსტიციის სახლის კონცეფცია და სახელმწიფო მომსახურების სფეროში ქვეყანაში გატარებული რეფორმის შედეგები.
შენონ ალტერის ვიზიტი „საკანონმდებლო პრაქტიკის პროგრამის" ფარგლებში მიმდინარეობს და ამერიკის სახელმწიფო დეპარტამენტის მიერაა დაფინანსებული.