ყაზახეთი ხორბლის საექსპორტო მაჩვენებელს ზრდის. ცოტა ხნის უკან, ქვეყანამ 10 მლნ. ტონა ხორბლის ექსპორტზე გააკეთა განაცხადი, თუმცა დღეისათვის ქვეყანა 15 მლნ. ტონა ხორბლის ექსპორტს გეგმავს.
მზარდი მოსავლის ფონზე, ქვეყნის მთავრობის უპირველესი ამოცანა ხორბლის დაბინავება და მისი ექსპორტია. ყაზახურ ხორბალს ტრადიციულად, ცენტრალური აზიის ქვეყნები, ავღანეთი და ირანი ყიდულობდნენ. თუმცა ყაზახეთი ხორბლის ექსპორტს ბალტიის ქვეყნებში და შავი ზღვის რეგიონშიც გეგმავს. ყაზახური ხორბლის ექსპორტი ძირითადად რუსეთისა და ჩინეთის გავლით განხორციელდება და როგორც უკვე ცნობილია, ყაზახეთმა რუსეთს ხორბლის გადასატვირთად ვაგონები უკვე დაუკვეთა. ყაზახეთს ხორბლის ტრანსპორტირებაზე დახმარება და თანამშრომლობა შესთავაზა საქართველომაც.