დღეს, 26 ოქტომბერს საქართველოს მთავრობასა და თურქულ კომპანია ATAÇ CONSTRUCTION AND INDUSTRY შორის ურთიერთგაგების მემორანდუმი გაფორმდა. მემორანდუმი ითვალისწინებს სამეგრელოს რეგიონში, მდინარე მაგანაზე, მაგანა და ლექარდეს ჰიდროელექტროსადგურების კასკადის მშენებლობას.
მემორანდუმს საქართველოს ენერგეტიკისა და ბუნებრივი რესურსების მინისტრის პირველმა მოადგილემ მარიამ ვალიშვილმა და თურქული კომპანია ATAÇ CONSTRUCTION AND INDUSTRY-ს მმართველთა საბჭოს უფროსმა ალილ ათამანმა მოაწერეს ხელი.
მაგანა და ლექარდე ჰესების დადგმული სიმძლავრე 20-20 მგვტ-ია. მშენებლობა 2013 წლის მაისში დაიწყება და 2016 წლის იანვარში უნდა დასრულდეს. თურქული კომპანია 60 მლნ აშშ დოლარის ოდენობის ინვესტიციას განახორციელებს.