უკრაინის მიმართულებით ხურმის მორიგი პარტია 30 ოქტომბერს გადაიზიდება. აჭარის სოფლის მეურნეობის სამინისტროს ინფორმაციით, ციტრუსის შემდეგ სუბტროპიკული ხურმა რეგიონის ერთ-ერთ ძირითად საექსპორტო პროდუქციას წარმოადგენს. სუბტროპიკული ხურმის ძირითად საექსპორტო ქვეყანას უკრაინა და ბელორუსი წარმოადგენს. ექსპორტზე რეალიზებული პროდუქციის 85 % უკრაინაზე მოდის.

მიმდინარე წელს სუბტროპიკული ხურმის პირველი პარტია საექსპორტოდ 9 ოქტომბერს გაიგზავნა. 23 ოქტომბერს ხურმით დატვირთული მესამე ბორანი გადის, რომელიც 620 ტონამდე სუბტროპიკულ ხურმას გადაიტანს უკრაინის მიმართულებით. ამჟამად უკვე ექსპორტირებულია 1400 ტონაზე მეტი სუბტროპიკული ხურმა.

მიმდინარე სეზონზე სულ ექსპორტირებული იქნება 5000 ტონამდე სუბტროპიკული ხურმა, აქედან 2000 ტონამდე აჭარის რეგიონში წარმოებული იქნება.

სუბტროპიკული ხურმის ექსპორტირებას ძირითად ადგილობრივი კომპანიები ახორციელებენ. სუბტროპიკული ხურმის დამზადება ქობულეთის, ხელვაჩაურისა და ქედის მუნიციპალიტეტებში ხდება. 1 კგ ხურმის შესასყიდი საშუალო ფასი 0,5 ლარს შეადგენს.