მინერალური წყლის ჩამოსასხმელი ქარხანა გაიხსნა სოფელ მისაქციელში. ახალ ქარხანაში წყალი "სნო" ჩამოისხმება. საპატრიარქოსა და ქართველი ბიზნესმენების ხელშეწყობით აშენებული მაღალტექნოლოგიური ობიექტი საქართველოს პრეზიდენტმა მიხეილ სააკაშვილმა გახსნა.
"2008 წლამდე აქ ცარიელი მინდორი იყო. 2008 წელს როდესაც ოკუპანტმა გამოაძევა ხალხი თავისი სახლებიდან, ძალიან სწრაფად აშენდა რამდენიმე ათასი სახლი. მაგრამ მთავარი სახლები და სკოლები კი არ არის, მთავარია დასაქმება. ეს არის ჩვენი პასუხი რუსულ ოკუპაციაზე, რაც გულისხმობს წელში გამართულ ოჯახებს. ასეხ ხდება - გაკეთდა ლუდის ქარხანა, სარეცხი საშუალებების მწარმოებელი ქარხანა, "ბარამბო" და ა.შ", - განაცხადა პრეზიდენტმა.
ქარხანაში ადგილობრივი მაცხოვრებლები და აგვისტოს მოვლენების გამო იძულებით გადაადგილებული პირები დასაქმდებიან.
