თურქეთის სამეზობლო პოლიტიკაში საქართველოსთან კეთილმეზობლობა ერთ-ერთ უმთავრეს პრიორიტეტს წარმოადგენს, - ამის შესახებ თურქეთის ახალმა გენერალურმა კონსულმა, აჭარის მთავრობის თავმჯდომარესთან შეხვედრისას განაცხადა.
აჭარის მთავრობის თავმჯდომარე, ლევან ვარშალომიძე ბათუმში თურქეთის ახალ გენერალურ კონსულს ენგინ არიქანს დღეს შეხვდა. საუბრისას მთავრობის თავმჯდომარემ კმაყოფილება გამოთქვა თურქეთ-საქართველოს შორის მჭიდრო თანამშრომლობის გამო, რის შედეგადაც აჭარაში არაერთი მნიშვნელოვანი პროექტი მიმდინარეობს. ვარშალომიძის განცხადებით, აუცილებელია ამ კურსის შენარჩუნება და აჭარასა და თურქეთის რეგიონებს შორის ეკონომიკური და კულტურული ურთიერთობების გაღრმავება.
თავის მხრივ, გენერალურმა კონსულმა აღნიშნა, რომ თურქეთის სამეზობლო პოლიტიკაში საქართველოსთან კეთილმეზობლობა ერთ-ერთ უმთავრეს პრიორიტეტს წარმოადგენს. ენქინ არიქანის თქმით, იგი ყოველმხრივ ხელს შეუწყობს ურთიერთმომგებიანი პროექტების განახორციელებას.
ენქინ არიქანი ბათუმში თურქეთის გენერალური კონსულის თანამდებობაზე მიმდინარე წლის 1 ოქტომბრიდანაა.