2012 წლისთვის ფინანსური აქტივების ცვლილება 404.6 მლნ ლარს შეადგენს. მათ შორის: ფინანსური აქტივების ზრდა შეადგენს 449.6 მლნ ლარს, რაც 2011 წლის შესაბამის მაჩვენებელზე 83.3%-ით მეტია. ფინანსური აქტივების კლების მაჩვენებელი განისაზღვრა 45.0 მლნ ლარით, 2011 წლის შესაბამის მაჩვენებელზე 28.6%-ით მეტია.
2012 წლისთვის ვალდებულებების ცვლილება შეადგენს 713.3 მლნ ლარს, მათ შორის: ვალდებულებების ზრდა შეადგენს 972.7 მლნ ლარს. მათ შორის საგარეო წყაროებიდან მიღებული კრედიტები შეადგენს 887.7 მლნ ლარს, საიდანაც 854.7 მლნ არის საინვესტიციო პროექტების დასაფინანსებლად მიღებული გრძელვადიანი, შეღავათიანი კრედიტები ხოლო 33.0 მლნ ლარი მსოფლიო ბანკის საბიუჯეტო დახმარება "განვითარების პოლიტიკის ახალი ღონისძიების" ფარგლებში. საშინაო წყაროებიდან (სახაზინო ვალდებულებების გამოშვება) მიღებული სახსრები შეადგენს 85.0 მლნ ლარს.
ვალდებულებების კლება შეადგენს 259.4 მლნ ლარს, საიდანაც 120.9 მლნ ლარი მიმართული იქნება საგარეო ვალდებულებების დაფარვაზე, ხოლო 35.0 მლნ ლარი _ საშინაო ვალდებულებების დაფარვაზე.
2012 წლისთვის სახელმწიფო ბიუჯეტის მთლიანი სალდო შეადგენს (-308.7) მლნ ლარს, რაც 2011 წლის შესაბამის მაჩვენებელზე ნაკლებია 24.0%-ით.