"ქართუ ბანკში" ვიქნებით მანამ, ვიდრე ყველა კითხვაზე პასუხს არ გაიცემა, - განაცხადა საქართველოს ერონული ბანკის პრეზიდენტმა გიორგი ქადაქიძემ.
მისი თქმით, შემოწმება სტანდარტულად გრძელდება ორი თვე, "თუმცა არ გამოვრიცხავთ, რომ სწრაფად შეწყდეს, ან უფრო მეტ ხანს გაგძელდეს. ეს გამოკვლეულ ფაქტებზე იქნება დამოკიდებული. მარტივად რომ გითხრათ, ჩვენ "ქართუ ბანკში" ვიქნებით მანამ ვიდრე ყველა კითხვაზე პასუხს არ გავცემთ", - განაცხადა ქადაგიძემ.
შეგახსენებთ, რომ განსაკუთრებით დიდი ოდენობით ფულის გათეთრების ბრალდებით 18 ოქტომბერს რამდენიმე პირი დააკავეს. "ქართუ ბანკის" ინკასაციის მანქანა ძალოვნებმა "საქართველოს ბანკის" სათავო ოფისთან დააკავეს. 19 ოქტომბერს, სებ-მა საგანგებო განცხადება გაავრცელა, რომელშიც ნათქვამია, რომ სებ-ის მიერ ბანკის კონტროლი და ზედამხედველობა რამდენჯერმე განხორციელდა.
"შესაბამისად, ეროვნულმა ბანკმა, როგორც საბანკო სექტორის რეგულატორმა, და ქვეყანაში ფინანსური სტაბილურობის გარანტმა, მიიღო გადაწყვეტილება ადგილზე, დეტალური შესწავლის გზით შეაფასოს სს „ბანკ ქართუში" შექმნილი ვითარება, პასუხი მიიღოს ყველა წარმოქმნილ შეკითხვაზე და მიღებული შედეგების საფუძველზე განსაზღვროს ბანკის სამომავლო ზედამხედველობის სტრატეგია", - ნათქვამია სებ-ის 19 ოქტომბრის განცხადებაში.