საქართველოს ეროვნული ბანკის პრეზიდენტი გიორგი ქადაგიძე სს "ბანკი ქართუსთან" დაკავშირებიღ განცხადებას აკეთებს. მისი თქმით, "ბანკ ქართუსთან" მიმართებაში რამდენიმე ყურადსაღებ ფაქტს ჰქონდა ადგილი.
როგორც ქადაგიძე აღნიშნავს, ბუნდოვანი და დაუსაბუთებელი იყო სს ქართუს სამეთვალყურეო საბჭოს თავმჯდომარისა და მისი მოადგილეების მიერ თანამდებობის დატოვების ფაქტი, რაც მისი თქმით, ეროვნული ბანკის ყურადღების მიღმა ვერ დარჩებოდა.
"რეგულატორმა სწორედ ასეთი რეაგირება უნდა მოახდინოს ყოველთვის, თუ რომელიმე კომერციულ ბანკში მსგავსი ფაქტი დაფიქსირდება", - განაცხადა ქაგაგიძემ.
"რაც შეეხება აძღრულ სისხლის სამართლის საქმეს - თუ კომერციულ ბანკს ისეთი გადაუდებელი აუცილებლობისთვის სჭირდებოდა დიდი ოდენობით ნაღდი ფული უცხოურ ვალუტაში, ამის შესახებ შეეძლო ეცნობებინა ეროვნული ბანკისათვის და ერთობლივად განვსაზღვავდით საკითხის მოგვარების გზას უკვე არსებული პრაქტიკის შესაბამისად: ეროვნულ ბანკს ადრეც არაერთხელ გადაუჭრია მსგავსი ტიპის საკითხები, ეს ჩვეულებრივი სამუშაო პროცესია", - განაცხადა ქადაგიძემ და აღნიშნა, რომ კიდევ უფრო მეტი შეკითხვა გაჩნდა, როდესაც ფაქტის შეფასებისას სს "ბანკი ქართუს" ახალმა ადმინისტრაციამ საქმეში არსებული ფულის ნიშნების (2 მლნ აშშ დოლარი და 1 მლნ ევრო) მიზნობრიობა ახსნა და განაცხადა, რომ ნაღდი ფული მათ ხელფასების გასაცემად ჭირდებოდათ.
ქადაგიძე განმარტავს, რომ " ხელფასი საქართველოში გაიცემა ეროვნულ ვალუტა ლარში, უნაღდო ანგარიშსწორებით პლასტიკურ ბარათზე დარიცხვის მეშვეობით და მას არაფერი აქვს საერთო ნაღდი უცხოური ვალუტით განსახორციელებელ ოპერაციებთან".
"ჩვენს ამოცანას არ წარმოადგენს ბანკის ოპერაციების შეჩერება, ან ნებისმერი სხვა ფორმით საკუთრების ხელყოფა ან სხვა. გავიხსენებ "სტანდარტ ბანკის" მაგალითს, სტანდარტბანკის მაგალითი ბრალდების თვალსაზრისით ქართუ ბანკის მაგალითს წააგავს, როდესაც თემის პოლიტიზირება ხდება. თუმცა არავინ იხსენებს "სტანდარტ ბანკის" ამბავს თუ როგორ დასრულდა ის. სელფორდ კაპიტალის ხელმძღვანელმა ირაკლი რუხაძემ, რომელიც მადლობას უხდიდა სებ-ს კომპეტენტური ჩარევისთვის. და ის მადლობას უხდიდა იმ მხარეს რა გარიგებაც დაიდო. ამიტომ ჩემთვის მიუღებელია ნებისმერი ფორმით ფინანსური სექტორის პოლიტიზირება . მე პირადად და ეროვნული ბანკი არის იმის გარანტი, რომ საბანკო სექტორში პოლიტიზირება არ მოხდეს. საფინანსო და საბანკო სექტორი არის მნიშვნელოვანი ხერხემალი ეკონომიკის. ჩვენთვის დაუშვებელია რომ ეს პროცესები რაიმე ფორმის დაუბრუნდეს წარსულს და დაემსგავსოს 90 -იან წლებს", - განაცხადა ქადაგიძემ.