საქართველოს 2012 წლის სახელმწიფო ბიუჯეტის შემოსავლების საპროგნოზო მაჩვენებელი 6 606.0 მლნ ლარით განისაზღვრა.
2012 წელს სახელმწიფო ბიუჯეტის გადასახადების საპროგნოზო მაჩვენებელი 6 100.0 მლნ ლარით განისაზღვრა და მთლიანი შიდა პროდუქტის 23.1 პროცენტს შეადგენს.
გადასახადების საპროგნოზო მაჩვენებლები ცალკეული გადასახადების სახეების მიხედვით შემდეგია:
საშემოსავლო გადასახადის საპროგნოზო მაჩვენებელი განისაზღვრა 1 530.0 მლნ ლარით, რაც მშპ-ის 5.8 პროცენტია და 2011 წლის საპროგნოზო მაჩვენებელთან შედარებით 8.4 პროცენტით იზრდება.
მოგების გადასახადის საპროგნოზო მაჩვენებელი განისაზღვრა 820.0 მლნ ლარით, რაც მშპ-ის 3.1 პროცენტია და 2011 წლის საპროგნოზო მაჩვენებელთან შედარებით 16.6 პროცენტით იზრდება.
დამატებული ღირებულების გადასახადის საპროგნოზო მაჩვენებელი განისაზღვრა 2 980.0 მლნ ლარით, რაც მშპ-ის 11.2 პროცენტს შეადგენს და 2011 წლის საპროგნოზო მაჩვენებელთან შედარებით 9.2 პროცენტით იზრდება.
აქციზის საპროგნოზო მაჩვენებელი განისაზღვრა 620.0 მლნ ლარის ოდენობით, რაც მშპ-ის 2.3 პროცენტს შეადგენს და 2011 წლის საპროგნოზო მაჩვენებელთან 9.4 პროცენტით მცირდება. აღნიშნული გადასახადის შემცირება განპირობებულია იმ გარემოებით, რომ აქციზის გადასახადი შავი ან/და ფერადი ლითონების ჯართის ექსპორტზე ჩამოყალიბდა როგორც შავი ან/და ფერადი ლითონების ჯართის ექსპორტის მომსახურების ტარიფი და მისი აღრიცხვა ხორციელდება სხვა შემოსავლებში.
იმპორტის გადასახადის საპროგნოზო მაჩვენებელი განისაზღვრა 110.0 მლნ ლარით, რაც მშპ-ის 0.4 პროცენტს შეადგენს და 2011 წლის საპროგნოზო მაჩვენებელთან შედარებით 26.4 პროცენტით იზრდება.
სხვა გადასახადის საპროგნოზო მაჩვენებელი განისაზღვრა 40.0 მლნ ლარით.