2012 წლის მთლიანი შიდა პროდუქტის ნომინალური მაჩვენებელის პროგნოზმა 26 494.4 მლნ ლარი შეადგინა, რაც მიმდინარე წლის მაჩვენებელს 3 024.1 მლნ ლარით აღემატება.
მთავრობის ერთ-ერთი ძირითადი პრიორიტეტის მაკროეკონომიკური სტაბილურობის უზრუნველყოფის მიზნით კვლავ გაგრძელდება საბიუჯეტო დეფიციტის და სახელმწიფო ვალის შემცირების ტენდენცია. 2012 წლის ბიუჯეტის პროექტის მიხედვით, მთლიანი შიდა პროდუქტის მიმართ საბიუჯეტო დეფიციტი 3.7%-დან 3.6%-მდე, ხოლო სახელმწიფო ვალის მოცულობა 40.6%-დან 39.7%-მდე მცირდება.
საქართველოს 2012 წლის ნაერთი ბიუჯეტის გადასახადების საპროგნოზო მაჩვენებლების გაანგარიშებისას მხედველობაში იქნა მიღებული მიმდინარე წელს არსებული ტენდენციები, 2012 წლისთვის ეკონომიკური განვითარების საპროგნოზო მაჩვენებლები (5.5%), ფასები (მშპ-ს დეფლატორის ცვლილება 7.0%), საგადასახადო პოლიტიკა, ადმინისტრირების დონის გაუმჯობესება და სხვა ფაქტორები.