ქობულეთში ახალი სასტუმროს სს "დესტონ კომპანი ეს.ეი" ააშენებს. როგორც სააგენტო "ჯი-ეიჩ-ენს" აჭარის ფინანსთა და ეკონომიკის სამინისტროში განუცხადეს, სს "დესტონ კომპანი ეს.ეი"-მ სასტუმროს აშენების ვალდებულება, ელექტრონულ პირობებიან აუციონზე მიიღო, სადაც კომპანიამ ქობულეთში, აღმაშენებლის ქუჩა №215-ში მდებარე ფართი იყიდა. ობიექტის მფლობელი "დესტონ კომპანი ეს.ეი" 337 ათას ლარად გახდა, მაშინ როდესაც ობიექტის საწყისი ღირებულება 262 ათას ლარს შეადგენდა.
აუქციონის პირობების თანახმად, ინვესტორი ვალდებულია პირობებიანი ელექტრონული აუქციონის ჩატარებიდან 48 თვის ვადაში პრივატიზირებული ქონების ნაცვლად, ააშენოს და ექსპლუატაციაში შეიყვანოს სასტუმრო კომპლექსი, რომელიც არანაკლებ 40 სასტუმრო ნომრზე იქნება გათვლილი.
