13 ოქტომბერს ვისოლი ევროპის საგზაო უსაფრთხოების დღის აღსანიშნავ კამპანიას შეუერთდა და „საჭესთან ფხიზლად!" აქციის ფარგლებში საზოგადოებას უსაფრთხო მგზავრობისაკენ მოუწოდა. პროექტს ორგანიზაცია „საქართველოს ალიანსი უსაფრთხო გზებისთვის" ახორციელებს.
„საზოგადოებაზე ზრუნვა ვისოლის კორპორაციული სოციალური პასუხისმგებლობის სტრატეგიის ერთ-ერთი ძირითადი პრიორიტეტია. დღეს ვისოლის ავტოგასამართ სადგურებზე კომპანიის ოპერატორები მომხმარებლებს უსაფრთხო მგზავრობისაკენ მოუწოდებენ და მოხარულნი ვიქნებით, თუ ამ ფორმით ჩვენს წვლილს შევიტანთ უბედური შემთხვევების თავიდან აცილებაში" აცხადებენ ვისოლში.
,,საჭესთან ფხიზლად!" პროექტი მიზნად ისახავს საზოგადოების ცნობიერების ამაღლებას ნასვამ მდგომარეობაში ავტომობილის მართვასთან დაკავშირებულ საკითხებზე და ნასვამობით გამოწვეული ავტოსაგზაო შემთხვევების შემცირებას. მსოფლიო სტატისტიკური მონაცემებით ახალგაზრდებში, უბედური შემთხვევების რაოდენობის მიხედვით, ავტოსაგზაო შემთხვევები დღესაც პირველ ადგილზეა,
ღონისძიების ფარგლებში ასევე ,,საჭესთან ფხიზლად!" კამპანიის ახალი პერსონაჟის ვას-ოს (აბრევიატურა: ვ-ინც ა-რ ს-ვამს) პრეზენტაცია გაიმართა. კამპანია, რომელიც ოფიციალურად 11 მაისს, გაეროს საგზაო უსაფრთხოების ათწლეულის (UN Decade of Action for Road Safety 2011-2020) აღნიშვნის დღეს გაიხსნა, პირველი ლედის ჯანსაღი ცხოვრების წესის ინიციატივის „Don't Worry, Be Healthy!"-ს ფარგლებში ხორციელდება.
მასალის გამოყენების პირობები