დღეს, 14 ოქტომბერს, ბათუმის პორტში საკრუიზო გემი "CRIPPER ODYSSEY" შემვა. აჭარის ტურიზმის დეპარტამენტის ინფორმაციით, გემს 100 -მდე ინგლისელი და ამერიკელი ტურისტი ჩამოყვება, რომელთა უმრავლესობა დღის მანძილზე ქალაქს მოინახულებს. სტუმრები ბოტანიკურ ბაღს, გონიოს ციხეს, ეთნოგრაფიულ მუზეუმსა და ქალაქის ბაზარს დაათვალიერებენ. 15 ოქტომბერს კი ბათუმის პორტში კიდევ ერთი საკრუიზო ხომალდი "ISLAND SKY" შემოვა.
აჭარის ტურიზმის დეპარტამენტში განმარტავენ, რომ აღნიშნული გემის 100-მდე მგზავრიც იგივე პროგრამით დაათვალიერებს რეგიონის ღირშესანიშნავ ადგილებს. საკრუიზო გემებს მასპინძლობას უწევს ტურისტული კომპანია "ვიზიტ-ჯორჯია". სტუმრებისთვის სპეციალურად გამართულ ვახშამზე ქართული ფოლკლორის კონცერტებიც გაიმართება. აღსანიშნავია, რომ მსგავსი ტიპის საკრუიზო ხომალდების შემოსვლა გახშირდა ბათუმის პორტში, რაც საკრუიზო ტურიზმის განვითარებას უწყობს ხელს.
მასალის გამოყენების პირობები