რეგიონებში მცხოვრები დევნილებიც მარტივი, კომფორტული და სწრაფი მომსახურებით ისარგებლებენ. ქუთაისში ახლადგახსნილი დევნლთა მისაღები ცენტრი მინისტრმა კობა სუბლიანმა ადგილობრივ ხელისუფლებასთან და დონორებთან ერთად დაათვალიერა. მინისტრი დევნილებს თავადაც მოემსახურა და აღნიშნა, რომ მისაღები ცენტრი უკვე 4 რეგიონში მოქმედებს, რაც დევნილებს შესაძლებლობას აძლებს კომფორტული და სწრაფი სერვისი მიიღონ.
ქუთაისის დევნილთა მისაღები ცენტრი ივლისში ამოქმედდა და დღემდე მომსახურება 1800 დევნილს გაუწია. ცენტრი გარემონტდა და აღიჭურვა ევროკავშირისა და შვედეთის საერთაშორისო განვიტარების სააგენტოს მიერ, ხოლო თანამშრომლები გადამზადდნენ დანიის ლტოლვილთა საბჭოს ხელშეწყობით.
მისაღები ცენტრი წარმატებით მუშაობს სამინისტროში, რამაც განაპირობა ცენტრის რეგიონებშიც გახსნა. დევნილები ცენტრში სწრაფი მომსახურების სერვისითა და გამართული კომუნიკაციური არხებით სარგებლობენ. აქ მოსული ადამიანი, მისაღებ ცენტრში, ერთ ოპერატორთან ადგილზე წყვეტს ყველა მისთვის საინტერესო საკითხს.
მისაღები ცენტრები თბილისის გარდა ფუნქციონირებს ქუთაისში, გორში, რუსთავსა და ზუგდიდში. თბილისში კი გახსნიდან დღემდე 20 000-ზე მეტ დევნილს მოემსახურა.
