ქობულეთში ახალი სასტუმროს მშენებლობა იგეგმება, რისთვისაც აჭარის მთავრობა ინვესტორს ეძებს. აჭარის ფინანსთა და ეკონომიკის სამინისტროს ინფორმაციით, 13 ოქტომბერს დაგეგმილ ელექტრონულ აუქციონზე, ქობულეთში, აღმაშენებლის ქუჩა №215-ში მდებარე ფართი იყიდება. ობიექტის საწყისი ღირებულება 262 ათასი ლარია.
აუქციონის პირობების თანახმად, ინვესტორი ვალდებულია პირობებიანი ელექტრონული აუქციონის ჩატარებიდან 48 თვის ვადაში პრივატიზირებული ქონების ნაცვლად, ააშენოს და ექსპლუატაციაში შეიყვანოს სასტუმრო კომპლექსი, რომელიც არანაკლებ 40 სასტუმრო ნომრზე იქნება გათვლილი.