სოფლის მეურნეობის სამინისტრომ ხილის წარმოების ხელშეწყობის პროგრამის განხორციელება დაიწყო, რომლის ფარგლებშიც ქვეყანაში კაკალის, ნუშის, ციტრუსისა და მოცვის წარმოება მოხდება.
როგორც სააგენტო "ჯი-ეიჩ-ენთან" საუბრისას, სოფლის მეურნეობის მინისტრმა ბაკურ კვეზერელმა აღნიშნა, საწყისს ეტაპზე პროგრამა ამ კულტურების სადემონსტრაციო ნაკვეთების გაშენებას ითვალისწინებს.
როგორც კვეზერელი განმარტავს, კაკლის სადემონსტრაციო ბაღები ახმეტაში, ხოლო ნუშის სადემოსნტრაციო ბაღები დედოფლისწაროში გაშენდება.
მინისტრი ამბობს, რომ პროგრამის განხორციელების შემდგომ, სამინისტრო და სოფლის მეურნეობის კორპორაცია ინვესტორის მოძებას დაიწყებენ. "ინვესტორებმა ჯერ უნდა დაინახონ, რომ ეს კულტურები ჩვენთან მოდის და ამის შემდეგ დავიწყებთ ინვესტორების მოძიებას. გეტყვით, რომ მოცვლის სადემონსტრაციო ბაღის გაშენების შემდგომ იქ უკვე ინვესტორი შემოგვყავს", - განუცხადა "ჯი-ეიჩ-ენს" ბაკურ კვეზერელმა.
სოფლის მეურნეობის კორპორაციაში აცხადებენ, რომ სადემონტრაციო ბაღების მეშვეობით მოხდება კულტურების დემონსტრირება, ნერგებზე დაკვირვება და გრძელვადიან პერიოდში სანერგე მასალის წარმოება
მასალის გამოყენების პირობები
