კომპანია "ელიტ ელექტრონიქსი" "პრივატ ბანკთან" ერთად ერთობლივ აქციას იწყებს. როგორც სააგენტო "ჯი-ეიჩ-ენს" "ელიტ ელექტრონიქსში განუცხადეს, კომპანია შესაძლებლობას აძლევს ყველა მოსაწვლეს კომპიუტერული ტექნიკა დღეში ერთ ლარად შეიძინოს. როგორც კომპანიის მენეჯმენტი განმარტავს, იმ მოსწავლეებს, რომლებსაც აქვთ "პრივატ ბანკის""ჯუნიორ" ბარათი შესაძლებლობა ეძლევათ კომპიუტერული ტექნიკა დღეში ერთ ლარად შეიძინონ. აქციის ფარგლებში "ელიტ ელექტრონიქსის" მენეჯმენტი დღეში 100 ერთეული კომპიუტერული ტექნიკის რეალიზაციას ელოდება. აღნიშნული აქცია "ელიტ ელექტრონიქსის" მაღაზიათა ქსელში კი ნოემბრის ბოლომდე გაგრძელდება.
შეგახსენებთ, რომ სს ,,ელიტ ელექტრონიქსი" საქართველოს სამომხმარებლო ბაზარზე 1996 წლიდან ფუნქციონირებს. კომპანიის საქმიანობის ძირითად მიმართულებას წარმოადგენს ტელევიზორების, აუდიო და ვიდეო ტექნიკის, საოჯახო საყოფაცხოვრებო ტექნიკის, კომპიუტერული ტექნიკისა და მობილური ტელეფონების საბითუმო და საცალო ვაჭრობა.
სს ,,ელიტ ელექტრონიქსი" სახელწოდებით ,,ელიტა XXI" 1996 წლის 8 მაისს ქ. ბათუმში დაარსდა. დაარსების მომენტისათვის კომპანია სულ 3 თანამშრომელს ითვლიდა. დღესდღეობით კომპანია საქართველოს მასშტაბით ,,ელიტ ელექტრონიქსი"-ს 31 მაღაზიას მოიცავს.
მასალის გამოყენების პირობები