“გუდვილს” საუკეთესო ხარისხისთვის ოქროს ვარსკვლავის ტიტული მიენიჭა. ხარისხის საერთაშორისო კონვენციამ საქართველოდან საუკეთესო ხარისხისა და სერვისის მიწოდებისთვის მხოლოდ კომპანია “გუდვილი” წარადგინა. როგორც დღეს სასტუმრო "რადისონში" გამართულ ბრიფინგზე "გუდვილის" გენერალურმა დირექტორმა მიხეილ ჩარკვიანმა განაცხადა, "გუდვილი" ქვეყანაში პირველი კომპანიაა, ვისაც აღნიშნული პრემია მიენიჭა. "გუდვილის" ისტორიაში მნიშვნელოვანი დღეებია. ეს არის ჯილდო, რომელიც კომპანიას რამდენიმე დღის უკან გადმოეცა. ზოგადად, B.I.D გადაეცემა კომპანიებს, რომლებიც შეფასებულნი არიან ახალი ტექნოლოგიების განვითარებით, ადამიანიური თვისების სწორად მართვით და სხვა ინოვაციური პროდუქტების განვითარებისათვის"- განაცხადა "გუდვილის" გენერალურმა დირექტორმა მიხეილ ჩარკვიანმა. "გუდვილის" მენეჯმენტი განმარტავს, რომ “გუდვილს” საერთაშორისო პრემია ქალაქ ჟენევაში გადაეცა, სადაც მსოფლიოს 48 ქვეყნის საუკეთესო კომპანიები იყო წარდგენილი. აღსანიშნავია, რომ “გუდვილისთვის” ეს უკვე მესამე საერთაშორისო აღიარებაა. “ოქროს ვარსკვლავამდე” სუპერმარკეტების ქსელი ორჯერ წარადგინეს ევროპის ბიზნეს დაჯილდოებაზე. "გუდვილისთვის" აღნიშნული ჯილდო ორმაგად მნიშვნელოვანია. ერთის მხრივ ძალიან სასიამოვნოა, რომ საქართველოც შეუერთდა B.I.D მსოფლიო დაჯილდოების ცერემონიებს და მეორე მხრივ განსაკუთრებულად საამაყოა, რომ საქართველოდან მხოლოდ კომპანია "გუდვილი" წარადგინეს. ჩვენი კომპანიისათვის ეს უკვე მესამე საერთაშორისო აღიარებაა, "ოქროს ვარსკვლავამდე" "გუდვილი" ორჯერ იყო წარდგენილი ევროპის ბიზნეს დაჯილდოებაზე, რაც იმას ნიშნავს, რომ კომპანიას აფასებენ არამხოლოდ საქართველოში, არამეს მის ფარგლებს გარეთაც"- განმარტა "გუდვილის" ვიცე-პრეზიდენტმა ნინო შევარდნაძემ. ხარისხის საერთაშორისო პრემია B.I.D ევროპაში 1975 წლიდან გაიცემა. ინოვაციების, თანამედროვე ტექნოლოგიების განვითარებისა და ადამიანური რესურსების სწორად წარმართვისთვის სხვადასხვა დროს აღნიშნული ჯილდო მიღებული აქვს “Walmart,-USA”Ansaldo Energia-Italy,””Turner Construction-U.S,”” Als &Cachou-France”-და სხვა.