"როსპოტრებნადზორის" ხელმძღვანელი გენადი ონიშენკო აცხადებს, რომ ქართული ღვინო, რუსულ ბაზარზე შესაძლოა მას შემდეგ დაბრუნდეს, რაც მისი მწარმოებლები თავიანთი პროდუქციის ხარისხიანობას დაამტკიცებენ.

ონიშჩენკოს თქმით, ქართული ღვინის მწარმოებლებმა სანიტარულ სამსახურს აცნობეს, რომ მზად არიან რუსეთში ქართული ღვინო შეიტანონ. "კვირას ჩვენ მივიღეთ განაცხადი შვიდი მწარმოებლისგან, სადაც მათ აქვთ სურვილი ჩვენს ბაზარზე დაბრუნდნენ", _ განაცხადა ონიშჩენკომ.

ამას გარდა, რუსეთის მთავარი სანიტარი ასევე აცხადებს, რომ ვიდრე ქართული ღვინო, რუსულ ბაზარზე დაბრუნდება მათ უნდა გაიარონ რუსულ ბაზარზე პროდუქციის დაბრუნების პროცედურა და "თუ ისინი დაამტკიცებენ თავიანთი პროდუქციის ხარისხს, მაშინ რუსეთი მათ არავითარ წინააღმდეგობას არ შეუქმნის, იმისათვის, რომ ისინი რუსულ ბაზარზე დაბრუნდნენ". შეგახსენებთ, რომ "როსპორტებნადზორმა" რუსეთში ქართული ღვინოებისა და მინერალური წყლის შეტანა 2006 წლიდან აკრძალა.