დღეს, სოფლის მეურნეობის მინისტრმა ბაკურ კვეზერელმა და სამეგრელოს რეგიონის ადგილობრივი მუნიციპალიტეტის წარმომადგენლებმა, აბაშაში, სიმინდის ნათესი ფართობები ადგილზე მოინახულეს, სიმინდის საშრობი ცენტრი დაათვალიერეს და ადგილობრივ გლეხებს პირადად გაესაუბრნენ.
სამინისტროს ინფორმაციით, ქვეყნის მასშტაბით, მიღებულმა საშუალო მოსავლიანობამ დღეის მდგომარეობით შეადგინა 6 ტონა მარცვალი ჰექტარზე, რაც წინა წლების საშუალო მოსავლიანობას 3-ჯერ აღემატება. პროგრამის შედეგად, რამდენიმე ათასი ფერმერი და გლეხური მეურნეობა სიმინდის რეალიზაციიდან სოლიდურ შემოსავალს მიიღებს. წელს, მოსალოდნელი მოსავალი 464 800 ტონას შეადგენს. 2012 წლის პროგრამა კი, უფრო მასშტაბური და ექსპორტზე ორიენტირებულია. სამომავლოდ, პროგრამის ფარგლებში, დაგეგმილია ნათესი ფართობებისა თუ დაფინანსების გაორმაგება.
