საფრანგეთის რესპუბლიკა მესტიის სათხილამურო ინფრასტრუქტურის განვითარებისთვის საქართველოს ფინანსურ დახმარებას გაუწევს. "საქართველოს (საქართველოს მთავრობა) და საფრანგეთის რესპუბლიკის მთავრობას შორის" ფინანსური პროტოკოლის სარატიფიკაციო ხელშეკრულება დარგობრივი ეკონომიკის და ეკონომიკური პოლიტიკის კომიტეტის სხდომაზე განიხილეს.
ფინანსთა სამინისტროს წარმომადგენლის განცხადებით, აღნიშნული ხელშეკრულება საფრანგეთის პრეზიდენტის საქართველოში ვიზიტის დროს გაფორმდა, რომლის თანახმადაც, საფრანგეთი 18 მლნ. ევროს სესხის, ხოლო 700 ათას ევროს გრანტის სახით გამოყოფს. სესხი 1.1% წლიური განაკვეთით 20 წლის ვადით განისაზღვრება.
