"მის საქართველომ", ჟანეტ ქერდიყოშვილმა, შეიძლება, "მის სამყაროში" მონაწილეობა არ მიიღოს. ამასთან დაკავშირებით, "იმიჯ-ცენტრის" საზოგადოებასთან ურთიერთობის მენეჯერმა, მაცაცო გულუამ "ჯი-ეიჩ-ენს" განუცხადა.
"სამწუხაროდ, ეს საკითხი ჯერ კიდევ გადაუწყვეტელია. ძალიან გვინდა, რომ ჟანეტი წარდგეს "მის სამყაროზე" და დაკისრებული მოვალეობა შეასრულოს, თუმცა მის ოჯახში დატრიალებული ტრაგედიის გამო ეს შეიძლება ვერ მოხერხდეს", - აღნიშნა გულუამ.
შეგახსენებთ, რომ 7 ოქტომბერს ჟანეტ ქერდიყოშვილს 8 წლის და გარდაეცვალა, რომელიც ფანჯრიდან გადმოვარდა და სასწრაფო დახმარების მანქანით გადაყვანის დროს გზაში გარდაიცვალა.
