ავიაკომპანია "უკრაინის საერთაშორისო ავიახაზები" მარშრუტთა ქსელს ავითარებს. "უკრაინის საერთაშორისო ავიახაზები" უკრაინის მოწინავე ავიაკომპანიაა. უკრაინის გარდა სხვა ქვეყნებიც აღიარებენ კომპანიის მაღალ პროფესიონალურ დონეს - "უკრაინის საერთაშორისო ავიახაზები" სრულიად სამართლიანად მიიჩნევა ევროპის ერთ-ერთ საუკეთესო კომპანიად. იგი არის ევროპული დონის კლასიკური გადამზიდი კომპანია, რომელიც თავის კლიენტებს სთავაზობს მოხერხებულ და საიმედო საავიაციო გადაზიდვებს - რეგულარულ და ჩარტერულ სამგზავრო გადაზიდვებს, აგრეთვე საფოსტო და სატვირთო გადაზიდვებს. "უკრაინის საერთაშორისო ავიახაზების" მთავარი საზრუნავია ფრების უსაფრთხოება, საიმედოობა, მგზავრთა მომსახურების მაღალი დონე და კომფორტი.
ავიაკომპანია თავის მგზავრებს სთავაზობს ფრენას მრავალი მიმართულებით, რეისების მოხერხებული შეთავსებითა და საუკეთესო ფასებით. ასეთი დაფარვა მსოფლიოს ბევრ ავიაკომპანიასთან "უკრაინის საერთაშორისო ავიახაზების" ნაყოფიერი თანამშრომლობის და პარტნიორობის შედეგია: ამჟამად ბილეთები "უკრაინის საერთაშორისო ავიახაზების" რეისებზე იყიდება მსოფლიოს 70-ზე მეტ ქვეყანაში. გარდა ამისა, "უკრაინის საერთაშორისო ავიახაზებს" აქვს 40 წარმომადგენლობა უკრაინაში და საზღვარგარეთ და 150-ზე მეტი პარტნიორ ავიაკომპანიებთან საერთაშორისო შეთანხმება ავიახაზების სფეროში. "უკრაინის საერთაშორისო ავიახაზების" პირდაპირი ფრენების ქსელი უკრაინიდან საქართველოში, ყაზახეთში, რუსეთში, ისრაელში, დასავლეთ ევროპაში და სპარსეთის ყურის ქვეყნებში დღეს უდიდესია ქვეყანაში.
ავიაკომპანია "უკრაინის საერთაშორისო ავიახაზები" მომხმარებელს სთავაზობს პირდაპირ ფრენებს თბილისიდან კიევში, აგრეთვე კიევის გავლით უკრაინის უდიდეს ქალაქებში - ლვოვში, ოდესაში, სიმფეროპოლში, დნეპროპეტროვსკში, დონეცკში, ხარკოვში.
ავიაკომპანია "უკრაინის საერთაშორისო ავიახაზები" მომხმარებელს სთავაზობს რეისების შეთავსებებს მოქნილი ფასებით თბილისიდან მოსკოვში, სამარაში, ალმა-ატაში, ასტანაში, ლონდონში, ბრიუსელში, ამსტერდამში, პარიზში, ჟენევაში, ნიცაში, ციურიხში, ლისაბონში, მადრიდში, ბარსელონაში, ვენაში, რომში, მილანში, ბერლინში, ფრანკფურტში, ჰელსინკში, თელ-ავივში, დუბაიში, აბუ-დაბიში.
"უკრაინის საერთაშორისო ავიახაზები" ყოველწლიურად აფართოებს რეგულარული და ჩარტერული რეისების პროგრამას და ხსნის ახალ მიმართულებებს.
სატვირთო გადაზიდვები კომპანიის საქმიანობის მნიშვნელოვანი შემადგენელი ნაწილია - ახალი გადაწყვეტილებები ამ სფეროში მიიღება ყოველთვიურად, და მათი ქსელი განუწყვეტლად მატულობს. ამის შედეგად "უკრაინის საერთაშორისო ავიახაზების" კლიენტებს დიდი კონკურენტული უპირატესობა აქვთ მსოფლიოს ნებისმიერ წერტილში ტვირთებისა და ქონების გადაზიდვის ამოცანების გადასაჭრელად.
"უკრაინის საერთაშორისო ავიახაზები" იყო დსთ-ის პირველი ავიაკომპანია, რომელმაც დაიწყო ფრენა "ბოინგის" ტიპის თვითმფრინავებით, ხოლო 2009 წელს "უკრაინის საერთაშორისო ავიახაზებმა" უკრაინაში პირველებმა დაიწყეს ფრენა "ბოინგი737-800 NEXT GENERATION" ტიპის ახალი თვითმფრინავებით, რომლებიც დამზადებულია კონცერნ "ბოინგის" ქარხანაში სიეტლში (აშშ) საგანგებოდ "უკრაინის საერთაშორისო ავიახაზების" დაკვეთით. ავიაკომპანიის ფლოტში შედის 19 თვითმფრინავი "ბოინგი-737" - 300/400/500/800.
მგზავრთა მომსახურების სტანდარტები "უკრაინის საერთაშორისო ავიახაზების" ყველა რეისზე - რეგულარულზეც და ჩარტერულზეც - ერთ-ერთი საუკეთესოა დარგში. თანაც ეს ეხება არა მარტო ბიზნესკლასს, სადაც მგზავრებს ტრადიციულად სთავაზობენ მრავალ უპირატესობას - ეკონომიური კლასის კლიენტებიც უზრუნველყოფილი არიან ძალზე მაღალი დონის მომსახურებით ფრენის დროს. როდესაც მგზავრი ყიდულობს ბილეთს "უკრაინის საერთაშორისო ავიახაზების" რეისზე, ის მიიღებს საუკეთესო მომსახურებას რაიმე გაუთვალისწინებელი დამატებითი ხარჯების გარეშე.
ავიაკომპანია "უკრაინის საერთაშორისო ავიახაზები" თავის ყველა მგზავრს სთავაზობს, მონაწილეობა მიიღონ ლოიალობის მოხერხებულ და თანამედროვე პროგრამაში "პანორამა კლუბში" - უკრაინის სამოქალაქო ავიაციის ისტორიაში პირველ ამგვარ პროგრამაში, და შეიგრძნონ "პანორამა კლუბის" წევრობის ყველა უპირატესობა.
