შიდა ქართლში ჩასახლებული იძულებით გადაადგილებული პირები სახელმწიფოსგან საჩუქრად შაქრის ფხვნილს და მარილს მიიღებენ. ჰუმანიტარული ტვირთის დარიგება რეგიონში დღეიდან დაიწყო. ტვირთის განაწილებას საქაშეთის დევნილთა ჩასახლებაში შიდა ქართლის გუბერნატორი გიორგი ტატიშვილი და ლიახვის ხეობის მაჟორიტარი დეპუტატი ბადრი ბასიშვილი ესწრებოდნენ. დახმარებას რეგიონის ყველა დევნილი ოჯახი მიიღებს.
შიდა ქართლში სულ 11-11 ტონა შაქარი და მარილი დარიგდება რეგიონის 21 კომპაქტური ჩასახლების ადგილას.
გიორგი ტატიშვილის განცხადებით, სახელმწიფოსგან იძულებით გადაადგილებული პირების დახმარებები კვლავაც გაგრძელდება და უახლოეს ხანში ის ჩასახლებები, რომლებიც ბუნებრივი აირით არ მარაგდება, სახელმწიფოსგან სათბობ შეშას მიიღებენ საჩუქრად
მასალის გამოყენების პირობები
