ენერგეტიკისა და ბუნებრივი რესურსების მინისტრმა ალექსანდრე ხეთაგურმა აგრარულ უნივესიტეტში "ტყის კოდექსის" ახალ პროექტთან დაკავშირებით საინფორმაციო შეხვედრა 10 ოქტომბერს გამართა.
მინისტრი უნივერსიტეტთან არსებული სატყეო ინსტიტუტის მეცნიერ-თანამშრომლებსა და სტუდენტებს შეხვდა და პროექტის ძირითადი მიმართულებები გააცნო.
ენერგეტიკისა და ბუნებრივი რესურსების სამინისტრო და აგრარული უნივერსიტეტის სატყეო ინსტიტუტი "ტყის კოდექსის" საჯარო განხილვებისას თანამშრომლობას მომავალშიც გეგმავენ.
აღსანიშნავია, რომ ენერგეტიკისა და ბუნებრივი რესურსების სამინისტრო საქართველოს კანონის პროექტის ტყის შესახებ პირველ საჯარო განხილვას 13 ოქტომბერს გამართავს.
