საქართველოს სოფლის მეურნეობის მინისტრმა ბაკურ კვეზერელმა, კიშინიოვში ვიზიტის დროს, ქვეყნის პრემიერ-მინისტრთან და სოფლის მეურნეობის მინისტრთან ერთად, მოლდოვის ღვინის ფესტივალის გახსნაში მიიღო მონაწილეობა.
სოფლის მეურნეობის სამინისტროს ინფორმაციით, ღონისძიება ყოველწლიურად იმართება და მასში მონაწილეობას რამდენიმე ათეული ღვინის ადგილობრივი მწარმოებელი კომპანია იღებს. მოლდოვის პრემიერ-მინისტრმა, ვლად ფილატმა და საქართველოს სოფლის მეურნეობის მინისტრმა, ბაკურ კვეზერელმა გამოფენილი პროდუქცია დაათვალიერეს, ღვინო დაწურეს და დააგემოვნეს. ვიზიტის ფარგლებში გაიმართა საქართველოს სოფლის მეურნეობის მინისტრის და მოლდოვის პრემიერ-მინისტრის შეხვედრაც, რომელზედაც მხარეებმა ურთიერთთანამშრომლობის გაღრმავებაზე და გამოცდილების გაზიარებაზე ისაუბრეს.
