საქველმოქმედო კონცერტი „იავნანა", შესაძლოა, 1-ელ ნოემბერს აღარ ჩატარდეს. როგორც „ჯი-ეიჩ-ენს" ფონდის საზოგადოებასთან ურთიერთობის მენეჯერმა თამუნა ჯინჭარაძემ განუცხადა კონცერტის თარიღი სხვადასხვა მიზეზების გამო იცვლება.
"ახლა ზუსტ თარიღს ვადგენთ, სამწუხაროდ შეიძლება 1 ნოემბერს არ ჩატარდეს. სტუმრების და სხვადასხვა მიზეზების გამო შეიძლება კონცერტი გადაიდოს", - აცხადებს ჯინჭარაძე.
შეგახსენებთ, რომ საქველმოქმედო კონცერტი „იავნანა"თბილისის საკონცერტო დარბაზში, 1 ნოემბერს იგეგმებოდა, სადაც საყოველთაოდ აღიარებული ქართველი პიანისტი ლექსო თორაძე იღებს მონაწილეობას. ის საქართველოში ნიუ-იორკის, ჩიკაგოს, ბოსტონისა და ლოს-ანჟელესის შემდეგ ჩამოდის.
