საქართველოს პრეზიდენტის ადმინისტრაცია თელავში 2 ოქტომბერს გამართულ შუალედურ არჩევნებს ერთ-ერთ გამორჩეულს უწოდებს. პრეზიდენტის პრესსპიკერ მანანა მანჯგალაძის განცხადებით, შუალედური არჩევნებისთვის უჩვეულოდ მაღალი აქტივობა დაფიქსირდა.
"ეს უდავოდ პოზიტიური ნიშანია და იმის მაჩვენებელია, რომ საზოგადოებას აქვს სურვილი ჩართული იყო რეფორმებში და მიიღოს გადაწყვეტილება თუ როგორ უნდა გაგრძელდეს თავიანთი ცხოვრება", - განაცხადა მანჯგალაძემ.
მისივე თქმით, ასევე მნიშვნელოვანია, რომ არჩევნებმა მშვიდ გარემოში ჩაიარა.
