აჭარის გადაუდებელი სასწრაფო დახმარების ექიმებს გადამზადების კურსი ჩაუტარდათ. 108 მედიკოსმა საერთაშორისო სერტიფიკატი მიიღო, რომელიც მსოფლიოს 60-ზე მეტ ქვეყანაში მოქმედებს; მათ უფლება აქვთ მაშველის სტატუსით მსოფლიოს სხვადასხვა ქვეყანაში გააგრძელონ მუშაობა.
ერთკვიარიანი ტრენინგი ქართველ მედიკოსებს უცხოელმა ტრენერებმა საჩხერეში, საქართველოს გადაუდებელი დახმარების ექიმთა კოლეჯში ჩაუტარეს.
ჯანდაცვის მინისტრმა თემურ გაბაიძემ დღეს ტრენინგში მონაწილე ექიმები და პროგრამაში ჩართული უცხოელი ტრენერები მიიღო. ამერიკის გულის ასოციაციის გადაუდებელი კარდიოლოგიური დახმარების გლობალური ტრენინგის დირექტორი, ასევე წარმომადგენელი ევროპა-აფრიკაში და საქართველოს გადაუდებელი დახმარების ექიმთა კოლეჯის თავმჯდომარე მინისტრს ტრენინგების მიმდინარეობის შესახებ ესაუბრენ.
მათი განცხადებით, ქართველი ექიმების მომზადების დონე საკმაოდ მაღალია და რამდენიმე დღის განმავლობაში მიღებული თეორიული ცოდნა და პრაქტიკული გამოცდილება მათ სამომავლო საქმიანობაში დაეხმარებათ.
მსგავსი ტიპის გადამზადების კურსები, რომელშიც აჭარის ყველა რაიონი იყო ჩართული, სამომავლოდაც გაგრძელდება.