ევროკავშირის პროგრამა Twinning-ის ფარგლებში აჭარის სოფლის მეურნეობის სამინისტროში სტუმრად მყოფი ჰოლანდიელი ექსპერტი პეტრა გერეიტი ხულოსა და ქედის მუნიციპალიტეტებში შეხვდა მევენახე, მებოსტნე და მეკარტოფილე ფერმერებს.
სამინისტროს ინფორმაციით, ხულოს მუნიციპალიტეტის დიოკნისის თემში ექსპერტი კარტოფილის მოსავლის აღებისა და შენახვის პირობებს გაეცნო.
ქედის მუნიციპალიტეტის ცხმორისისა და ზვარეს თემებში ექსპერტმა დაათვალიერა კიტრის სათბური, გაეცნო აგროტექნიკური ღონისძიებების მიმდინარეობას და ფერმერებს მისცა რჩევები კიტრის სხვადასხვა დაავადებების წინააღმდეგ გასატარებელ ღონისძიებებთან დაკავშირებით. ასევე მოინახულა ჩხავერისა და ცოლიკოურის ნაკვეთი, დაესწრო ოჯახურ პირობებში ღვინის დამზადების პროცესს.
ფერმერთა განმარტებით, მათთვის მნიშვნელოვანი იყო ექსპერტის ვიზიტის ფარგლებში გაწეული კონსულტაციები, რომელსაც გაითვალისწინებენ საწარმოთა შემდგომი განვითარებისათვის.
მასალის გამოყენების პირობები