პარლამენტი პრეზიდენტის მიერ რატიფიცირებისათვის წარმოდგენილ ხელშეკრულებას - "საქართველოსა და საერთაშორისო განვითარების ასოციაციას შორის დაფინანსების ხელშეკრულება (განვითარების პოლიტიკის მესამე ღონისძიება)" იხილავს.
აღნიშნული ხელშეკრულების მიხედვით, დაგეგმილია საქართველოსათვის ბიუჯეტის მხარდამჭერი სესხის გამოყოფა IDA-ს შეღავათიანი პირობებით. პროგრამის მესამე ფაზის ფარგლებში დაახლოებით 40 მლნ. აშშ დოლარი გამოიყოფა. სესხი 25-წლიანი იქნება. აღნიშნული პროგრამის პირველი და მეორე ფაზები 2009-2010 წლებში განხორციელდა და მაშინ, შესაბამისად, 90 და 51 მლნ. აშშ დოლარი გამოიყო.
ფინანსთა მინისტრის მოადგილის რუსუდან კემულარიას განცხადებით, სესხი სახელმწიფოს მიერ განსახორციელებელი რეფორმების ხელშეწყობისთვისაა გამიზნული და სახელმწიფოს ფინანსების მართვასა და სოციალურ სფეროს მოხმარდება.