ბათუმში ქუჩების კეთილმოწყობა გრძელდება. მიწისქვეშა კომუნიკაციის მოწესრიგების შემდეგ სამუშაოების ახალი ეტაპი დაიწყო. ქალაქის სხვადასხვა უბანში საავტომობილი გზის, საფეხმავლო ბილიკისა და ველოტრასის მოწესრიგება მიმდინარეობს.
სარეაბილიტაციო სამუშაოებს დღეს ქალაქის მერი რობერტ ჩხაიძე და კეთილმოწყობის სამსახურის უფროსი გაეცნენ. კლდიაშვილის ქუჩაზე ბოლო სამუშაოები ხვალ უნდა დასრულდეს.
სპეციალისტები წინასწარ გაწერილი გეგმის მიხედვით მუშაოებენ. პირველ ეტაპზე ხდება საავტომობილო ნაწილის მოფილაქნება, შემდეგ კი უკვე ხელოსნები ტროტუატების გაფართოებაზე ზრუნავენ. საფეხმავლო ბილიკზე სპეციალურ, დიდი ზომის ფილებს აგებენ, რომელიც განსაკუთრებული გამძლეობით გამოირჩევა. სამუშაოები, რომელიც რამდენიმე თვის წინ დაიწყო, გეგმის თანახმად, წლის ბოლომდე უნდა დასრულდეს.
ტროტუარების კეთილმოწყობის პარალელურად, მიმდინარეობს ველობილიკის გაკეთებაც. სამუშაოები ქუჩების გამწვანებასაც ითვალიწინებს. სპეციალისტები სხვადასხვა ჯიშის ხე-მცენარეების შერჩევაზე უკვე მუშაოებენ.
ბიუჯეტიდან ქუჩებისა და ტროტუარების კეთილმოწყობისათვის 45 მილიონი ლარია გამოყოფილი.
მასალის გამოყენების პირობები