რუსული ტურისტული კომპანიების გაერთიანების Alterberg-travel-ის წარმომადგენლები ბათუმში ჩამოვიდნენ. აჭარის ტურიზმის დეპარტამენტის ინფორმაციით, ჯგუფი 16 კაციანია და ვიზიტი 2 ოქტომბრამდე გრძელდება. ისინი მთელი კვირის მანძილზე მოამზადებენ ახალ მასალებს ტურისტული პროდუქტი- „ ბათუმი აჭარის ტურისტული საოცრება." რუსულ კომპანიას მასპინძლობას აჭარის ტურიზმისა და კურორტების დეპარტამენტი უწევს.
დეპარტამენტში განმარტავენ, რომ საინფორმაციო ტურის ფარგლებში დაგეგმილია სხვადასხვა ღონისძიება: ტურები ძველ ბათუმსა და ღამის ბათუმში, ახალი და ძველი ბულვარის დათვალიერება, ვიზიტები ბოტანიკურ ბაღსა და ღვინის სახლში.. ჯგუფი მოინახულებს ასევე ზემო აჭარის ღირშესანიშნავ ადგილებს, გაეცნობა ადგილობრივ სამზარეულოს. აღსანიშნავია, რომ წლევანდელ სეზონზე შეინიშნებოდა რუსი ტურისტების სიმრავლე. რუსული ტურისტული კომპანიების გაერთიანების დაინტერესება მომავალში კიდევ უფრო მეტი ტურისტის მოზიდვასა და ჩვენი რეგიონის ახალ მნიშვნელოვან ბაზარზე გასვლას შეუწყობს ხელს.
