სოფლის მეურნეობის სამინისტროს ინფორმაციით, სიმინდის პროგრამა გასული წლების განმავლობაში განხორციელებულ პროგრამებს შორის, ყველაზე მაღალშემოსავლიანი პროგრამაა გლეხური და ფერმერული მეურნეობებისთვის. პროგრამის შედეგად, რამდენიმე ათასი ფერმერი და გლეხური მეურნეობა სიმინდის რეალიზაციიდან სოლიდურ შემოსავალს მიიღებს.
სამინისტროში განმარტავენ, რომ 2011 წელს სიმინდის ნათესი ფართობი 2010 წელთან შედარებით, 65%-ით გაიზარდა, ხოლო ერთ ჰექტარზე მოსავლიანობა წინა წელთან შედარებით, მინიმუმ გაორმაგდება. მოსალოდნელი მოსავალი 464 800 ტონას შეადგენს. საქართველო პირველად გაიტანს სიმინდს ექსპორტზე, 2012 წლის პროგრამა უფრო მასშტაბური და ექსპორტზე ორიენტირებული იქნება.