ბათუმში INTOSAI-ს (უმაღლესი აუდიტორული ორგანოების საერთაშორისო ორგანიზაცია) შესაბამისობის აუდიტის ქვეკომიტეტის რიგით მე-9 შეხვედრა გაიხსნა. შეხვედრაზე განიხილება საკითხები შესაბამისობის აუდიტის ერთიანი თანამედროვე სტანდარტების დანერგვის, აღნიშნული მიმართულებით სამოქმედო გეგმების შემუშავებისა და განხორციელების შესახებ.
აღსანიშნავია, რომ INTOSAI -ს ეგიდით გამართულ მსგავსი მასშტაბის საერთაშორისო ღონისძიებას საქართველოს კონტროლის პალატა პირველად მასპინძლობს.
ბათუმში მიმდინარე ღონისძიებაში საქართველოს გარდა კიდევ 13 ქვეყნის (ბრაზილია, დანია, ინდოეთი, ლიტვა, ლუქსემბურგი, მექსიკა, ნამიბია, ნორვეგია, რუმინეთი, სლოვაკეთი, ტუნისი, შვედეთი და ჩინეთი) უმაღლესი აუდიტორული ორგანოების წარმომადგენლები მიიღებენ მონაწილეობას.
შეხვედრები სამი დღის განმავლობაში გაგრძელდება.
