პრეზიდენტის პრეს-სპიკერის მანანა მანჯგალაძის განცხადებით, "რთველი 2011" აქტიურ ფაზაშია გადასული. როგორც მან დღეს გამართულ ბრიფინგზე განაცხადა, რთველი კახეთში ოქტომბრის ბოლომდე გაგრძელდება. შემდგე კი რაჭაში გადაინაცვლებს.
"სოფლის მეურნეობის სამინისტროს ინფორმაციით, მოსავლის 50 პროცენტი უკვე აღებულია, რაც მთავარია რთველი საკმაოდ ორგანიზებულად მიმდინარეობს და სახელმწიფო აქტიურად არის ჩართული ამ პროცესში. გლეხები ხელისუფლებისგან დიდ ფინანსურ დახმარებას ღებულობენ, რაც გამოიხატება მოსავლის რეალიზაციასა და დაბინავებაში" - განაცხადა მანჯგალაძემ.
მისი თქმით, თუკი შარშან 102 ათასი ტონა ყურძენი იქნა დაბინავებული, წელს ვარაუდობენ, რომ ეს რიცხვი 150 ათას ტონამდე გაიზრდება.