27 სექტემბერს, 13:00 საათზე, სასტუმრო "თბილისი მარიოტში" სოფლის მეურნეობის მინისტრი ბაკურ კვეზერელი და კომპანია "კარტლისის" ხელმძღვანელი რობერტ რევია "კარტლისის" მიერ მოპოვებული საერთაშორისო ჯილდოსა და 2011 წელს სიმინდის მოყვანის ხელშემწყობ პროგრამაში მიღწეული შედეგების შესახებ პრესკონფერენციაზე ისაუბრებენ.

კომპანია "კარტლისის" მენეჯმენტის ცნობით, "პიონერის" სათესლე სიმინდის თესვის შედეგად მიღწეულმა მაჩვენებლებმა რეკორდული რაოდენობა შეადგინა. 2012 წლისთვის "პიონერის" სათესლე სიმინდი 35 000 ჰექტრის ნაცვლად, 55 000 ჰექტერ ტერიტოროაზე დაითესება.

"დეტალურად შევისწავლეთ სიმინდის მოყვანის საერთაშორისო პრაქტიკა, მიუსადაგეთ ადგილობრივ პირობებს, ჩამოვიტანეთ თანამედროვე ტექნიკა, სასუქები, პესტიციდები და დავამუშავეთ ადგილობრივ პირობებზე მორგებული სიმინდის მოყვანის ტექნოლოგია. შედეგად მივიღეთ სიმინდის მოსავალი 15-16 ტონა ერთ ჰექტარზე. შედარებისთვის, საშუალო სტატისტიკური მოსავალი საქართველოში შეადგენს 2,5 ტონას ერთ ჰექტარზე", - აცხდებს კომპანია "კარტლისის" დირექტორი რობერტ რევია.

ამასთანავე პრესკონფრენციაზე "კარტლისის" მიერ ამერიკული კომპანია "დიუპონის" ჯილდოს "ENVIRONMENTAL RESPECT AWARDS"-ის მიღების შესახებაც ისაუბრებენ. კომპანიას ჯილდო პესტიციდების დისტრიბუციის საუკეთესო მენეჯმენტისთვის გადაეცა. დაჯილდოება აშშ-ის დედაქალაქ ვაშინგტონში კაპიტოლიუმის შენობაში შედგა.

კომპანია "კარტლისი" (ყოფილი "გარემო და ანალიტიკა") 1997 წელს დაარსდა და მუშაობს სოფლის მეურნეობაში არსებული ყველა მიმართულებით: სათესლე მასალა, სასუქები, მცენარეთა დაცვის საშუალებები, საირიგაციო სისტემები, სასოფლო-სამეურნეო კულტურების წარმოება. ამ დროისთვის იგი თანამშრომლობს სოფლის მეურნეობის მიმართულების ისეთ მსოფლიო ბრენდებთან როგორებიცაა: DuPont, Pioneer, Bejo, TimacAgro და Stet Holland. კომპანიას აქვს ფერმერთა მომსახურების ცენტრები და სავაჭრო ობიექტები საქართველოს სხვადასხვა რეგიონში მათ შორის - ლაგოდეხში, ბოლნისში, წნორში, გორში, ზუგდიდში და სხვა რაიონულ ცენტრებში.