"ნარინჯისფერი რთველი" წელს რამდენიმე დღის დაგვიანებით დაიწყება, რაც ცუდ მეტეოროლოგიურ პირობებს უკავშირდება.
აჭარის სოფლის მეურნეობის სამინისტროში ფიქრობენ, რომ "ნარინჯისფერი რთველი" დაახლოებით 20 ნოემბრიდან დაიწყება, მაშინ როდესაც აჭარაში ციტრუსის კრეფა 10 ნოემბრიდან იწყებოდა. აჭარის სოფლის მეურნეობის სამინისტროს გათვლებით, წელს რეგიონში 75 ათასი ტონა ციტრუსის მოსავალი იქნება, რაც 2010 წლის ფაქტიურ მოსავალთან შედარებით 60 %-ით მეტია. სამინისტროში განმარტავენ, რომ წელს ქართული ციტრუსი ახალ ბაზრებზეც გავა, რაზეც მოლაპარაკებები უკვე წარმოებს.
შეგახსენებთ, რომ გასულ სეზონზე, ქართული ციტრუსი უკრაინაში, აზერბაიჯანში, სომხეთში, ყაზახეთში, ბელორუსიაში, უზბეკეთში და მოლდოვაში გადაიზიდა.
