დიდი ბრიტანეთი მხარს უჭერს ვაჭრობის მსოფლიო ორგანიზაციაში რუსეთის გაწევრიანებას. ეს განცხადება ბრიტანეთის პრემიერ-მინისტრმა დევიდ კემერონმა გააკეთა, რომელიც მოსკოვში ოფიციალური ვიზიტით იმყოფება.
"ბრიტანეთი მხარს უჭერს ვაჭრობის მსოფლიო ორგანიზაციაში რუსეთის გაწევრიანებას. სწორედ ამიტომაც მე ჩემთან ერთად ჩამოვიყვანე ბიზნესის წარმომადგენელთა დიდი დელეგაცია", _ განაცხადა მან მოსკოვის სახელმწიფო უნივერსიტეტში მასწავლებლებთან და სტუდენტებთან შეხვედრისას.
აღნიშნულ ინფორმაციის გავრცელებისას რუსული მედია აღნიშნავს, რომ რუსეთის ვაჭრობის მსოფლიო ორგანიზაციაში გაწევრიანების შესახებ მოლაპარაკებებს უკვე 18 წელია აწარმოებს.
"რუსეთმა ვაჭრობის მსოფლიო ორგანიზაციის წევრობის საკითხი ორგანიზაციის ყველა წევრთან უკვე შეათანხმა, გარდა საქართველოსი. ამჟამად საქართველოსთან მოლაპარაკებათა პროცესი მიმდინარეობს", _ იუწყება რუსული მედია.
