რუსთაველის თეატრის სამხატრო ხელმძღვანელის პოსტი, შესაძლოა, სამუდამოდ ვაკანტური დარჩეს. როგორც "ჯი-ეიჩ-ენს" კულტურისა და ძეგლტადაცვის მინისტრმა ნიკა რურუამ განუცხადა ის ამ თანამდებობაზე ახალი კანდიდატის დანიშვნის კანონიერ აუცილებლობას ვერ ხედავს.
"ამ პოსტზე ახალი კანდიდატურა შერჩეული არ გახლავთ და ამის არანაირი აუცილებლობა არ არის. კანონი ამბობს, რომ რუსთაველის თეატრს სამხატვრო ხელმძღვანელი შეიძლება ჰყავდეს ან შეიძლება არც ყავდეს, ასე რომ ეს საკითხი დღის წესრიგში საერთოდ არ დგას", - განუმარტა "ჯი-ეიჩ-ენს" რურუამ.
შეგახსენებთ, რომ კულტურისა და ძეგლთა დაცვის მინისტრმა ნიკა რურუამ რობერტ სტურუა თბილისის შოთა რუსთაველის სახელობის სახელმწიფო დრამატული თეატრის სამხატვრო ხელმძღვანელის თანამდებობიდან 15 აგვისტოდან გაათავისუფლა. მინისტრმა ბრძანებას ხელი 9 აგვისტოს მოაწერა.
