"ქრისტიან-დემოკრატებმა" კახეთში რთველის მონიტორინგის ალტერნატიული შტაბების შექმნა გადაწყვიტეს. ამის შესახებ დღეს გურჯაანში, აგრარულ საკითხთა კომიტეტის გასვლით სხდომაზე პარლამენტის წევრმა ნიკა ლალიაშვილმა განაცხადა.
სხდომაზე, სადაც დეპუტატებმა რთველის მიმდინარეობის შესახებ სოფლის მეურნეობის მინისტრის ანგარიში მოისმინეს, ლალიაშვილმა მთავრობა სასიცოცხლოდ მნიშვნელოვანი საკითხებით პოლიტიკურ სპეკულაციაში დაადანაშაულა.
"არ შეიძლება რთველი პოლიტიკური ჟონგლიორობის საგნად იქცეს და ჩვენ არ დავუშვებთ ხელისუფლების მცდელობას ამომრჩეველთა ხმები ყურძენში გაცვალოს. "ქრისტიან-დემოკრატები" მთელი კახეთის მასშტაბით ვქმნით რთველის მონიტორინგის ალტერნატიულ შტატებებს. ჩვენი პარტიის წევრები, გლეხებთან და მეღვინეებთან ერთად, თავიდან ბოლომდე გავაკონტროლებთ ამ პროცესს და დავიცავთ როგორც გლეხების, ისე მეწარმეების ინტერესებს" - განაცხადა ნიკა ლალიაშვილმა.
