ხვალ, 13 სექტემბერს, 13:00 საათზე ფინანსთა მინისტრი დიმიტრი გვინდაძე ამბასადორიალს დაესწრება და უცხოეთში მოღვაწე ქართველი დიპლომატებისათვის სპეციალურ პრეზენტაციას გააკეთებს.
შეგახსენებთ, რომ 12-14 სექტემბერს, სასტუმრო "რედისონი" საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ხელმძღვანელთა შეხვედრას მასპინძლობს.
სამი დღის განმავლობაში, მონაწილეები განიხილავენ საქართველოს საგარეო პოლიტიკის აქტუალურ საკითხებს და იმსჯელებენ ქართული დიპლომატიის წინაშე არსებულ გამოწვევებზე. შეხვედრის მსვლელობაში მონაწილეობას მიიღებენ საქართველოს საკანონმდებლო და აღმასრულებელი ხელისუფლების წარმომადგენლები.
