"ამბასადორიალის ფარგლებში ხდება პოლიტიკის ძირითადი პრიორიტეტების დასახვა და ელჩები იღებენ ინსტრუქციებს, რომლის მიხედვითაც, მათ წარდგენილ ქვეყნებში, საქმიანობა უნდა განახორციელონ. აქედან გამომდინარე, ტრადიცია, რომელიც ამბასადორიალის სახით ქვეყანაში ჩამოყალიბდა ძალიან მნიშვნელოვანია", - განაცხადა ნაკაშიძემ, თუმცა არ განუმარტავს კონკრეტულად რა ინსტრუქციები მიიღეს ქართველმა დიპლომატებმა საგარეო საქმეთა მინისტრისგან.

რაც შეეხება უშუალოდ საქართველო-ჩეხეთის ურთიერთობებს, ნაკაშიძის შეფასებით, ჩეხეთი საქართვველოს ერთ-ერთი ერთგული მხარდამჭერია, როგორც ჩვენი ქვეყნის ევროატლანტიკური ინტეგრაციის ისე ტერიტორიული მთლიანობის კუთხით.

"ორ ქვეყანას შორის ურთიერთობები ღრმავდება და ეს აისახება მრავალ სფეროში. როგორც ვაჭრობისა და ინვესტიციების, ისე კულტურისა და პოლიტიკის სფეროში", - განმარტა ნაკაშიძემ.

ამასთან, ის პოლონეთის პრემიერ-მინისტრის დონალდ ტუსკის მიერ გაკეთებულ საქართველოს მხარდამჭერ გაკეთებულ განცხადებას გამოეხმაურა და აღნიშნა, რომ " რაც უფრო ბევრი ასეთი განცხადება გაკეთდება, ჩვენი ქვეყნისთვის მით უკეთესი იქნება."

"ტუსკის განცხადება ადასტურებს, რომ პოლონეთის ევროსტრუქტურებში ინგეტრაციის კუთხით საქართველოს მხარდამჭერია", - აღნიშნა ნაკაშიძემ.